തിരുവനന്തപുരം ജില്ലയിലെ പൊന്മുടിയുടെ താഴ്‌വരയിൽ പെരിങ്ങമ്മല പഞ്ചായത്തിൽ സ്ഥിതി ചെയ്യുന്ന ഒരു ഗ്രാമമാണ് പാലോട്. തിരുവനന്തപുരം നഗരത്തിൽ നിന്നും ചെങ്കോട്ട റോഡിൽ എകദേശം 39 കിലോമീറ്റർ സഞ്ചരിച്ചാൽ പാലോട് എത്തിച്ചേരാം. വാമനപുരം അസംബ്ലി മണ്ഡലത്തിലും ,ആറ്റിങ്ങൽ ലോക്സഭാ മണ്ഡലത്തിലും ഉൾപ്പെടുന്ന പ്രദേശമാണ് പാലോട്.പെരിങ്ങമ്മല, നന്ദിയോട് ഗ്രാമപഞ്ചായത്തകളുടെ സംഗമസ്ഥാനമാണു ഈ ചെറു പട്ടണം. വിതുര ,പാങ്ങോട് എന്നിവ സമീപ പഞ്ചായത്തുകളാണ്.ഈ പ്രദേശത്തിന്റെ ഒരു വശത്ത് വാമനപുരം നദിയും,മറുവശത്ത് കൂടെ ചിറ്റാർ നദിയും ഒഴുകുന്നു.